fbpx
3Jun

Пепи Бачманов студент на програмата за Power Apps Developer

Зошто се одлучи за програмата за Power Apps Developer?
 
Уште кога за првпат се појави Microsoft Flow алатката (моментално Power Automate) имав можност да си „играм“ со неа, ме импресионираше брзиот начин на автоматизација на процеси, кои можеби се занемарливи но кои одземаат премногу време и енергија. Во компанијата во која сум моментално почнавме со користење на Office 365 пакетот во кој се вклучени и алатките од Power Apps, чии функционалности во голем дел се бесплатни, меѓутоа толку моќни и флексибилни.
 
Едноставно, секој процес кој го имате во една компанија можете да го автоматизирате/оптимизирате до ниво до кое ви е потребно. Заштедувате време, енергија на вработени, точност на податоци, брза информација, едноставно го дигитализирате секој процес. Единствено што ви треба е добра логика и познавање на процесите кои се одвиваат во една компанија.
 
Axapta беше одлична можност, и се покажа како вистински избор за правилно да се научи како се користат алатките од Power Apps платформата и ми даде одличен правец за понатамошен развој на моите вештини. Во денешно време голем број на компании користат Office 365 пакет само поради Word, Excel и Outlook, а не се ни свесни какви моќни алатки постојат и кои бенефити можат да ги добијат од нив.
 
 Како би го оценил начинот и концептот на кој се одвиваше програмата?
 
Програмата беше одлична! Динамиката и начинот на предавање беше разбирлив и прилагоден за секој кој беше присутен, без разлика на неговата моментална професија. Филип, Емилија и Стефан беа одлични во начинот на кој го пренесоа нивното знаење.  
 
Кој дел од програмата ти остави најголем впечаток?
 
Оптимизација на процеси ми е пасија, морам да кажам дека Power Automate предавањата ми оставија најголем впечаток, но неможам да го изоставам и делот со Power Apps (Canvas) со кој за првпат се сретнав и ги увидов можностите кои ги нуди.
 
3 причини зошто би ја препорачал програмата за Power Apps Developer?
 
Low code – No Code (Citizen Developer) кажува многу само по себе. Ако имате добра логика и ги познавате бизнис процесите во компанијата во која сте, оваа програма ќе ви овозможи да ги искористите алатките и за кратко време да креирате „магија“ за вашите колеги.
 
Ако треба да издвојам 3 причини:
 
  1. Со минимален код, или без код, креирате апликација, автоматизирате процес  
  2. Брзина на креирање на апликација или Power Automate процес
  3. Cost-Benefit: Ако веќе користите Office365 во компанијата, може да се каже и дека нема, или има минимален трошок, а огромен бенефит!

Дали изучувањето на оваа програма направи промена во твоето секојдневно работење?

Програмата ми го смени начинот на размислување при анализирање на процеси и нивна оптимизација или комплетна автоматизација. Едноставно при секој предизвик за автомизација на процес пред мене се Canvas, Power Automate, Dataverse и SharePoint (прекрасна и моќна комбинација)!

Останатите кои беа со мене на оваа програма, и за кои (некои од нив) ова беше нивен прв контакт со Power Apps, и доаѓаат од професија која нема допирна точка со IT, одлично ја апсорбираа програмата и сум сигурен дека ќе придонесе до преквалификација односно трансформација на нивната кариера. 

Tags:

Leave a reply

© 2022 All rights reserved. Created by Axapta Masters.

Scroll to top